Samsung-ը մտադիր է խելացի մատանի ստեղծել

Հարավկորեական Samsung տեխնոլոգիական հսկան երեք ապրանքանիշ է գրանցել Մեծ Բրիտանիայի մտավոր սեփականության գրասենյակում (UKIPO), որոնք կարող են վերաբերել ընկերության նոր կրելի սարքերին: Այս մասին հայտնում է SamMobile-ը։

Խոսքն այնպիսի ապրանքանիշերի մասին է, ինչպիսիք են Samsung Circle-ը, Samsung Index-ը և Samsung Insight-ը: Բոլոր ապրանքային նշանները գրանցված են «կրելի համակարգիչներ», «խելացի մատանիներ», ինչպես նաև «խելացի ժամացույցներ և սմարթֆոններ» կատեգորիաներում։

SamMobile-ը ենթադրում է, որ Samsung Circle անունը կարող է վերաբերել ընկերության խելացի մատանուն կամ ֆիթնես ապարանջանին: Իր հերթին, լրագրողները Samsung Index-ը և Samsung Insight-ը կապում են վիրտուալ, ընդլայնված կամ խառը իրականության սարքերի և կարգավորիչների հետ:

«Տեղեկությունը չափազանց անորոշ է այս սարքերի ճշգրիտ բնույթը որոշելու կամ ընդհանրապես դրանց գոյության մեջ համոզվելու համար»,- գրում է SamMobile-ը։