Նուբարաշենի աղբավայրում հրդեհաշիջման աշխատանքները դադարեցվել են
11/07/2023 09:37
Նմանատիպ
Հուլիսի 10-ի ժամը 18։45-ի դրությամբ Նուբարաշենի աղբավայրում հրդեհաշիջման աշխատանքները դադարեցվել են։ Մոտ 3000 քմ հատվածում այրվել է աղբ։
ՀՀ ներքին գործերի նախարարության փրկարար ծառայությունից տեղեկացնում են, որ դեպքի վայրում աշխատանքներ են իրականացրել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատների չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ խումբը, Երևանի քաղաքապետարանի 1 ջրատար և 1 տրակտոր:
Հրդեհը մեկուսացվել է հուլիսի 9-ին, ժամը 07:12-ին:
Հուլիսի 8-ին, ժամը 22։30-ին Ճգնաժամային կառավարման ազգային կենտրոն ահազանգ է ստացվել, որ Երևանի Նուբարաշենի աղբավայրում հրդեհ է բռնկվել։
Հետևեք մեզ նաև Telegram-ում