Ադրբեջանում խստացրել են գրանտի տրամադրման կարգը
Նմանատիպ
Ադրբեջանի Միլի Մեջլիսը ոչ կառավարական կազմակերպությունների ոլորտում գործող օրենսդրության մեջ փոփոխություններ է մտցրել՝ խստացնելով օտարերկրյա դոնորների համար գործունեության պայմանները:
Փոփոխություններից մեկի համաձայն՝ արտաքին ֆինանսական աղբյուրների հաշվին ոչ կառավարական կազմակերպությունների աշխատանքները և ծառայությունները պետք է իրականացվեն Արդարադատության նախարարությունում գրանցվող պայմանագրերի հիման վրա: Առանց գրանցման՝ աշխատանքի համար նախատեսվում է վարչական պատասխանատվություն:
Մեկ այլ փոփոխության համաձայն՝ օտարերկրյա դոնորը կարող է գրանտ տրամադրել՝ այս կամ այն նախագծի նպատակահարմարության մասին Ադրբեջանի գործադիր իշխանության մարմնի եզրակացությունը ստանալուց հետո:
Մեկնաբանելով այդ օրենսդրական փոփոխությունները ՝ փորձագետները նշել են, որ դրանք հավելյալ ֆիլտրեր են սահմանում օտարերկրյա դոնորների համար: Առաջին հերթին՝ նրանք պետք է ստանան դոնոր լինելու իրավունք, այնուհետև ցույց տան նախագծի ֆինանսավորման նպատակահարմարությունը, իսկ այնուհետև գրանտ ստացող կազմակերպությունը պետք է այն գրանցի Արդարադատության նախարարությունում:
Հետևեք մեզ նաև Telegram-ում