Չինաստանում կառուցել են աշխարհի ամենամեծ էլեկտրակայանը

Չինաստանը կառուցել է բազմաֆունկցիոնալ էլեկտրակայան՝ հզորությամբ աշխարհում ամենամեծը։ Այս երկիրը համատեղում է աղը, լույսը և տեխնոլոգիան՝ ստեղծելով առաջատար արևային էլեկտրակայան։

Չինաստանի իշխանությունները հայտարարել են, որ աշխարհի ամենամեծ համակցված արևային էլեկտրակայանը, որը գտնվում է աղի ֆերմա Huadian Tianjin Haijing-ում, միացվել է հյուսիսային Տյանցզին համայնքի ցանցին և ի վիճակի է բավարարել 1,5 մլն․ տնային տնտեսությունների էլեկտրաէներգիայի կարիքները։

Կայանը բաղկացած է բազմաթիվ արևային մարտկոցներից, որոնք տեղադրված են երկրի ամենահին առափնյա աղի ֆերմաներից մեկի՝ Չանգլուի աղի դաշտերում՝ ավելի քան 13 քառակուսի կիլոմետր մակերեսով:

«Աղ-լույս» համակարգը արտադրում է ինչպես էլեկտրաէներգիա, այնպես էլ աղ՝ օգտագործելով երկկողմանի արևային վահանակներ, որոնք վերևից կլանում են արևի ուղիղ ճառագայթները, իսկ ներքևից՝ ջրի արտացոլած արևի լույսը:

Կայանը ունի 1 գիգավատ դրվածքային հզորություն և տարեկան կարտադրի 1,5 միլիարդ կվտ/ժամ էլեկտրաէներգիա։ Արտադրված մաքուր էլեկտրաէներգիան կօգնի նվազեցնել ածխածնի արտանետումները՝ առանց աղի դաշտերի շրջակա միջավայրի վրա ազդելու, հայտարարել է ընկերությունը։

Վահանակները միմյանցից ավելի հեռու են գտնվում, քան մյուս գործարաններում՝ էներգիայի և աղի արտադրությունը օպտիմալացնելու համար, և թեքված՝ ջրի մակերեսի ստվերումը նվազագույնի հասցնելու համար։ Աղի դաշտերն օգտագործվում են նաև ծովախեցգետնի բուծման համար, որը կշարունակվի արևային ծրագրի շնորհիվ:

ՉԺՀ-ի Էներգետիկայի ազգային վարչությունը նախատեսում է մինչև տարեվերջ ամբողջ երկրում ունենալ արևային էլեկտրակայաններ՝ 490 ԳՎտ հզորությամբ։