Հուլիսի 17-ը պատմության մեջ
Նմանատիպ
Պատմության մեջ հուլիսի 17-ը նշանավորվել է մի շարք կարևոր, դարակազմիկ իրադարձություններով։ Times-ը ներկայացնում է դրանցից մի քանիսը․
Վիեննայի պաշարումը
1683 թվականի ամռանը Օսմանյան կայսրության հիմնական բանակը` մեծ ու լավ զինված ուժ, պաշարեց Վիեննան։ Քաղաքը հերոսաբար դիմադրեց մինչև նույն թվականի սեպտեմբերի 12-ը։ Վիեննայի պաշտպանությունը ստանձնեց Հաբսբուրգների տոհմից Հռոմեական Սրբազան Կայսրության կայսր Լեոպոլդ 1-ինը։ Ու երբ թվում էր, թե Վիեննայի գրավումը շաբաթների հարց է, անսպասելի օգնության հասավ Լեհաստանի թագավոր Յան Սոբյեսկին իր 23 հազարանոց բանակով։ Սեպտեմբերի 12-ին Վիեննայի մոտ տեղի ունեցած ճակատամարտում Օսմանյան բանակը ջախջախիչ պարտություն կրեց։ Դրանով վերջ դրվեց թուրքերի առաջխաղացմանը դեպի Եվրոպա և տրվեց Արևելյան Եվրոպայում Օսմանյան Կայսրության գերիշխանության ավարտի մեկնարկը։
Տոկիոն Ճապոնիայի մայրաքաղաք
1868թ-ին Ճապոնիայի մայրաքաղաքը պատմական Կիոտոյից տեղափոխվեց Տոկիո։ Այդ ժամանակ Տոկիոն աշխույժ առևտրային քաղաք էր ու կոնչվում էր Էդո։ Ընդ որում, մինչև 1721թ-նն այն արդեն համարվում էր աշխարհի ամենաբնակեցված քաղաքը։ Սակայն Կիոտոն շարունակում էր կատարել Ճապոնիայի հոգևոր և մշակութային կենտրոնի կարևոր գործառույթը։
Տոկիոն դարձավ Ճապոնիայի մայրաքաղաքը պատմության բեկումնային ժամանակաշրջանում։ 20-րդ դարի սկզբին տեխնոլոգիաները, ինչպիսիք են ավտոմեքենաները, հեռահաղորդակցությունը և արտադրությունը, նոր-նոր էին սկսում տարածվել: Տոկիոյում արևմտյան նորաձևությունն ու ճարտարապետությունը նորաձև են դարձել, և քաղաքի տեսարանը կտրուկ փոխվել է: Այսօր էլ Տոկիոն շարունակում է լինել ամենաբնակեցված քաղաքն աշխարհում՝ 37․5 մլն․ բնակչությամբ։
Նիկոլայ 2-րդի գնդակահարությունը
Ռուսաստանի վերջին կայսրը, նրա կինն ու երեխաները մահվան են դատապարտվել 1918թ. Ուրալսովետի նախագահության որոշմամբ: Ռոմանովների ընտանիքին գնակահարել են 1918թ. հուլիսի 17-ին, Եկատերինբուրգում:
Կայսեր ու նրա ազգականների դիակները գաղտնի թաղել էին, բայց 1991թ. նրանց մնացորդները հայտնաբերել և վերահուղարկավորել են Սանկտ-Պետերբուրգում: 2007թ. գտել և Պետրոպավլովյան տաճար են տեղափոխել նաև իշխանուհի Մարիայի ու արքայազն Ալեքսեյի մնացորդները:
2008թ. ՌԴ Գերագույն դատարանի նախագահությունը վերականգնվել է Նիկոլայ 2-րդի բարի անունը, բայց նշվել է, որ գնդակահարությունն իրականացվել է պետության անունից, ուստի քրեական գործ չի կարող հարուցվել:
Իսպանիայի քաղաքացիական պատերազմը
1936թ-ին Իսպանիայում բռնկվեց քաղաքացիական պատերազմ, որն այս երկրի նորագույն պատմության ամենամեծ ցնցումն է։
Ձախակողմյան հանրապետականների և ազգայնականների միջև սկսված պատերազմը տևեց մինչև 1939թ-ը։ Հանրապետականները հավատարիմ էին Իսպանիայի Երկրորդ Հանրապետության ձախակողմյան Ժողովրդական ճակատի կառավարությանը և բաղկացած էին տարբեր սոցիալիստական, կոմունիստական, անջատողական, անարխիստական և հանրապետական կուսակցություններից: Հակառակորդ ազգայնականները ֆալանգիստների, միապետականների, պահպանողականների և ավանդապաշտների դաշինք էին, որը ղեկավարվում էր ռազմական խունտայի կողմից, որոնց մեջ գեներալ Ֆրանցիսկո Ֆրանկոն արագորեն ձեռք բերեց գերակա դեր:
Այն ժամանակվա միջազգային քաղաքական մթնոլորտի պատճառով պատերազմն ուներ բազմաթիվ կողմեր և տարբեր կերպ դիտվում էր որպես դասակարգային պայքար, կրոնական պայքար, պայքար բռնապետության և հանրապետական ժողովրդավարության, հեղափոխության և հակահեղափոխության և ֆաշիզմի ու կոմունիզմի միջև: Պատերազմի ժամանակ Իսպանիայում ԱՄՆ դեսպան Կլոդ Բոուերսի խոսքերով, դա Երկրորդ համաշխարհային պատերազմի «շրջազգեստի փորձն» էր: Ազգայնականները հաղթեցին պատերազմում և կառավարեցին Իսպանիան մինչև գեներալ Ֆրանկոյի մահը՝ 1975 թվականի նոյեմբերին։
Դիսնեյլենդի հիմնումը Կալիֆորնիայում
1955թ. հուլիսի 17-ին Կալիֆորնիայի Անահայմ քաղաքում տեղի ունեցավ Դիսնեյլենդ զբոսայգու բացումը: Դժվար է պատկերացնել մեկին, որը ծանոթ չլինի Միքի մկնիկի ու Դոնալդ բադիկի մասին պատմող մուլտիպլիկացիոն կինոնկարներին: Դրանց հեղինակը հանրաճանաչ ամերիկացի կինոռեժիսոր Ուոլթ Դիսնեյն է:
1955թ. Դիսնեյը որոշել է Կալիֆորնիայի Անահայմ քաղաքում հիմնել զբոսայգի և այնտեղ «բնակեցնել» իր մուլտֆիլմերի հերոսներին: Այդպես է ստեղծվել հռչակավոր Դիսնեյլենդը, որտեղ զարմանահրաշ կերպով միայուսված են իրականն ու հեքիաթայինը:
