Պուտինը չի մասնակցի ԲՐԻԿՍ-ի գագաթնաժողովին
Նմանատիպ
Վլադիմիր Պուտինը չի մեկնի Յոհանեսբուրգում կայանալիք ԲՐԻԿՍ-ի գագաթնաժողովին, Ռուսաստանը կներկայացնի արտգործնախարար Սերգեյ Լավրովը, հայտնել են Հարավաֆրիկյան Հանրապետության նախագահի գրասենյակից։
«Փոխադարձ համաձայնությամբ նախագահ Պուտինը չի մասնակցի գագաթնաժողովին, Ռուսաստանի Դաշնությունը կներկայացնի արտաքին գործերի նախարար Սերգեյ Լավրովը»,- ասված է հաղորդագրությունում։
Գագաթնաժողովը կանցկացվի օգոստոսի 22-24-ը։ Բացի հյուրընկալող երկրի առաջին դեմքից, միջոցառմանը կմասնակցեն Չինաստանի, Բրազիլիայի և Հնդկաստանի ղեկավարները։
Հարավային Աֆրիկան գտնվում է Միջազգային քրեական դատարանի (ՄՔԴ) իրավասության ներքո, որի նախաքննական պալատը մարտի 17-ին ձերբակալության օրդեր է տվել Վլադիմիր Պուտինին և երեխաների օմբուդսմեն (մարդու իրավունքների պաշտպան) Մարիա Լվովա-Բելովային ձերբակալելու համար։
Դատարանը նրանց, ի թիվս այլ հարցերի, մեղադրում է «երեխաների արտաքսման մեջ, որոնց փրկել են ուկրաինական հրետակոծությունից և դուրս են բերել մարտական գոտուց անվտանգ տարածքներ»։
Ինչպես հայտարարել է Կրեմլի խոսնակ Դմիտրի Պեսկովը, Միջազգային քրեական դատարանի կողմից նախագահի կալանավորման հարցի բարձրացումն անընդունելի է, և նրա ցանկացած որոշում օրենքի տեսանկյունից առ ոչինչ է, քանի որ Ռուսաստանը չի ճանաչում Միջազգային քրեական դատարանի իրավասությունը։
Հետևեք մեզ նաև Telegram-ում