Պատմության մեջ այս օրը․ Հուլիսի 26
Նմանատիպ
Հուլիսի 26-ը պատմության մեջ նշանավորվել է մի շարք իրադարձություններով․ Times-ը ներկայացնում է դրանցից մի քանիսը․
Նյու Յորքը Ամերիկյան նահանգ
1788թ-ին Նյու Յորք նահանգը մտավ Ամերիկայի Միացյալ նահանգների կազմի մեջ՝ դառնալով նրա 11-րդ նահանգը։
Նյու Յորքը ԱՄՆ-ի հիմքը դարձած 13 նախկին բրիտանական գաղութներից մեկն էր: Ամերիկյան անկախության պատերազմի ժամանակ (1775–1783) մի խումբ գաղութատերեր ի վերջո կարողացան անկախություն հասնել Բրիտանական Կայսրությունից և միացան նորաստեղծ Միացյալ Նահանգներին։
Վախթանգ Անանյան
1905թ-ին ծնվել է գրող, արձակագիր, լրագրող, հայ գրականության մեջ արկածային ժանրի հիմնադիր Վախթանգ Անանյանը։
«Սևանի ափին» և «Հովազաձորի գերիները» վեպերում Անանյանը կարողացել է ստեղծել կերպարներ, որոնք արտացոլել են հայկական իրականությունը ու կենցաղը՝ այդ ամենը փառահեղ կերպով փոխկապակցելով հայրենի բնության ու կենդանական աշխարհի հետ։
Սթենլի Կուբրիկ
1928թ-ի հուլիսի 26-ին ամերիկյան էմիգրանտ հրեաների ընտանիքում ծնվել է հռչակավոր կինոռեժիսոր Սթենլի Կուբրիկը։ Սկզբում նա աշխատել է որպես լուսանկարիչ և 1950-ականներին դուրս է եկել աշատանքից՝ սկսելով իր առաջին ֆիլմի նկարահանումը։ Իր ողջ կյանքի ընթացքում Կուբրիկը ստեղծել է ընդամենը 13 ֆիլմ, որոնք բոլորը համարվում են կինեմատոգրաֆի գլուխգործոցներ։
Կա տարածված դավադրապաշտական տեսություն, համաձայն որի՝ «Ապոլոն 11» տիեզերանավի վայրէջքը լուսնի վրա եղել է ստուդիայում բեմադրված նկարահանություն, որը հեղինակել է Սթենլի Կուբրիկն, ու դա ներկայացվել է իբրև իրական վայրէջք Լուսնի վրա։
Կուբրիկն իր կյանքի ընթացքում բազմիցս նոմինացվել է օսկար մրցանակի, սակայն արժանացել է ոսկե արձանիկին միայն մեկ անգամ՝ «2001․ տիեզերական ոդիսական» ֆիլմի համար։ Ըստ վարկածների՝ Կուբրիկին սպանել են «Լայն փակված աչքերով» ֆիլմի նկարահանումից հետո, որտեղ նա բացահայտել է մասոնական համայնքի կյանքն ու արարողակարգերը։
Սուեզի ջրանցք
1956թ-ին Եգիպտոսի նախագահ Գամալ Աբդել Նասերը ազգայնացրեց վերահսկողություն սահմանեց Սուեզի ջրանցքի վրա և հայտարարեց այն ազգայնացնելու մասին։ Այս իրադարձությունը հանգեցրեց ճգնաժամի, որի հետևանքով ֆրանս-բրիտանական զորքերը իսրայելական բանակի հետ համատեղ ներխուժեցին Եգիպտոս և ժամանակավորապես օկուպացրին նրա որոշ շրջաններ՝ ներառյալ Սուեզի ջրանցքը։
Հետևեք մեզ նաև Telegram-ում
