«ԷՄՄԻ» մրցանակաբաշխությունը հետաձգվել է գործադուլի պատճառով

«Էմմի» մրցանակաբաշխությունը անորոշ ժամանակով հետաձգվել է Հոլիվուդում սցենարիստների և դերասանների գործադուլի պատճառով։ «Էմմի»-ի 75-րդ մրցանակաբաշխությունը ի սկզբանե նախատեսված էր անցկացնել սեպտեմբերի 18-ին: Այժմ ակնկալվում է, որ միջոցառումը կանցկացվի նոյեմբերին կամ հունվարին, երբ կինոթատրոնում կսկսվի մրցանակաբաշխության սեզոնը։

Վերջին անգամ «Էմմի» մրցանակաբաշխությունը հետաձգվել էր 2001 թվականին՝ սեպտեմբերի 11-ին տեղի ունեցած ահաբեկչության պատճառով։

Այս տարվա հուլիսի 14-ին ամերիկյան դերասանների գիլդիան՝ SAG-AFTRA-ն, գործադուլ հայտարարեց այն բանից հետո, երբ Կինոֆիլմերի և հեռուստատեսության պրոդյուսերների դաշինքի հետ աշխատանքային ավելի լավ պայմանների համար բանակցությունները անհաջողության մատնվեցին

Ավելի վաղ՝ մայիսի 1-ին, ավարտվել էր ամերիկայի սցենարիստների գիլդիայի և հոլիվուդյան ստուդիաների միջև կնքված պայմանագրի ժամկետը։ Հենց այդ ժամանակ էլ ցածր աշխատավարձի պատճառով հոլիվուդյան սցենարիստները գործադուլ էին սկսել։

Bloomberg-ն այն անվանել է ամենամեծը վերջին 15 տարվա ընթացքում

Սակայն կողմերի միջև վեց շաբաթ տևած բանակցությունները որևէ արդյունքի չհանգեցրին։