Արցախում հացի արտադրանքի ծավալը կկրճատվի

Առաջիկա երկու-երեք օրերին Արցախում որոշակիորեն կկրճատվի հացի արտադրանքի ծավալը: Այս մասին հայտնում է Արցախի տեղեկատվական շտաբը` վկայակոչելով Արցախի գյուղի և գյուղատնտեսության աջակցության հիմնադրամին։

«Տեղումների պատճառով ցորենի բարձր խոնավությամբ պայմանավորված ալյուրի արտադրման գործընթացը ընթանում է դանդաղ ու զուգորդվում է չորացման հավելյալ աշխատանքներով»,- ասված է հաղորդագրությունում։

Արցախի տեղեկատվական շտաբը հայտնել է նաև, որ շրջանառվող տեղեկություններն այն մասին, թե իբր հաց չի լինելու, իրականությանը չեն համապատասխանում:

Նրանք հորդորել են բնակիչներին հացի գնումները կատարել չափավոր, որպեսզի նվազագույն չափով ապահովվելու հնարավորություն ունենան բոլորը: