Ընթանում է Պուտին-Էրդողան հեռախոսազրույցը

«Այս պահին Վլադիմիր Պուտինը հեռախոսազրույց է ունենում Թուրքիայի նախագահ Ռեջեփ Թայիփ Էրդողանի հետ»,- ասել է Կրեմլի խոսնակ Դմիտրի Պեսկովը՝ խոսելով երկրի ղեկավարի չորեքշաբթի օրվա աշխատանքային գրաֆիկի մասին։

Պեսկովը նշել է, որ Էրդողանի հետ Պուտինի հեռախոսազրույցի մասին ավելի վաղ հայտարարել էր անձամբ ՌԴ նախագահը։

«Զրույց ակնկալելու կարիք չկա, այն այժմ ընթանում է»,- այսօր լրագրողներին ասել է Պեսկովը՝ պատասխանելով հարցին, թե երբ է նախատեսված Պուտինի և Էրդողանի հեռախոսազրույցը։

Անցյալ շաբաթ օրը լրագրողներին ՌԴ նախագահ Վլադիմիր Պուտինն ասել էր․ «Էրդողանն առաջարկեց խոսել այն պահին, երբ ինձ այնքան էլ հարմար չէր։ Ես առաջարկեցի այսօր՝ նրան էր անհարմար, առաջարկեցի վաղը՝ նույնպես անհարմար է։ Բայց մենք պայմանավորվեցինք խոսել չորեքշաբթի»։