Հանրային սննդի օբյեկտներում կուժեղացվի վերահսկողությունը ծխելու հետ կապված

Այսօր՝ օգոստոսի 3-ին, ՀՀ կառավարության նիստում ՀՀ վարչապետ Նիկոլ Փաշինյանը  անդրադարձել է սրճարաններում ծխելու արգելքին` նշելով, որ անգամ բացօթյա սրճարաններում շարունակում են ծխել։

ՀՀ ՆԳ նախարար Վահե Ղազարյանը ընդգծել է, որ 2023 թ. հունվարի 1–ից կազմվել է 7186 վարչական արձանագրություն, որից 790–ը հանրային սննդի օբյեկտներում ծխելու հետ է կապված եղել։ «Կակտիվացնենք մեր աշխատանքները և ամեն ինչ կանենք, որ ունենանք դրական արդյունքներ»,– նշել է նա։

«Ուզում ենք բոլոր հնարավոր ձևերով արգելակենք ծխելու հնարավորությունը։ Պատասխանատվությունը պետք է դնենք նաև սննդի օբյեկտների սեփականատերերի և աշխատողների վրա, որ նրանք ևս թույլ չտան»,- ասել է Փաշինյանը։

Ըստ տվյալների՝ ՀՀ–ն եղել ու շարունակում է մնալ ամենածխող երկրների շարքում։