Արևմուտքը կստիպի Զելենսկուն բանակցությունների նստել Մոսկվայի հետ

Ուկրաինայի նախագահ Վլադիմիր Զելենսկին գիտի, որ Արևմուտքը կմեծացնի իր վրա ճնշումը հանուն Ռուսաստանի հետ խաղաղ բանակցությունների։ Այս մասին գրում է The New York Times պարբերականը։

Հոդվածում նշվում է, որ ուկրաինական կողմը Սաուդյան Արաբիայում տեղի ունեցող բանակցությունների ժամանակ կփորձի իր կողը գրավել տասնյակ այնպիսի երկրների, որոնք դեռևս չեն խառնվում ռուս-ուկրաինական հակամարտությանը։

Ըստ պարբերականի, օգոստոսի 2-ին Զելենսկին իր դիվանագետներին հայտնել է, որ իրավիճակը գնալով բարդանում է, քանի որ մոտակա ամիսներին հնարավոր է ավելանա իր վրա ճնշումը՝ բակացությունների միջոցով խաղաղության հասնելու ուղղությամբ։

Հրապարակման մեջ նշվում է, որ Ուկրաինան Արևմտյան դաշնակիցների կողմից կայուն պաշտպանության կարիք ունի, քանի որ քայքայիչ, արյունալի և թանկ արժեցող հակահարձակումը ոչ մի արդյունքի չհանգեցրեց, բացի այդ, Կիևին անհրաժեշտ է նաև այն երկրների աջակցությունը, որոնք մինչ այս պահը չեն միջամտել ընթացող պատերազմին։

Հիշեցնենք, որ այսօր՝ օգոստոսի 5-ին, Սաուդյան Արաբիայում մեկնարկել են Ուկրաինայի հարցով բանակցությունները, որին ռուսական կողմը չի մասնակցում։