Չինաստանը բարձրացնում է բենզինի և դիզելային վառելիքի մանրածախ գները

Չինաստանի իշխանությունները բարձրացրել են բենզինի և դիզվառելիքի մանրածախ գները երկրի ներսում: Այս մասին ասված է ՉԺՀ զարգացման և բարեփոխումների պետական ​​կոմիտեի ծանուցման մեջ։

Օգոստոսի 10-ից բենզինի գինը մեկ տոննայի դիմաց կբարձրանա 240 յուանով (33.5 դոլար), իսկ դիզելային վառելիքինը՝ 230 յուանով (32.1 դոլար)։ Գործող գնագոյացման մեխանիզմի համաձայն՝ նավթամթերքի գները ճշգրտվում են՝ կախված նավթի միջազգային գների փոփոխություններից:

Չինաստանի երեք խոշոր նավթային ընկերություններին՝ China National Petroleum Corporation-ին, China Petrochemical Corporation-ին և China National Offshore Petroleum Corporation-ին, ինչպես նաև նավթավերամշակման գործարաններին հանձնարարվել է պահպանել նավթի արդյունահանումը և հեշտացնել փոխադրումները՝ ապահովելու կայուն մատակարարումները: