Ալիևն ընդունել է Ադրբեջանում ՌԴ նորանշանակ դեսպանին. քննարկվել են հայ-ադրբեջանական հարաբերությունները

Ադրբեջանի նախագահ Իլհամ Ալիևն ընդունել է Հանրապետությունում Ռուսաստանի նոր դեսպան Միխայիլ Եվդոկիմովի հավատարմագրերը։ Այս մասին հայտնում է Ադրբեջանի ղեկավարի մամուլի ծառայությունը։

Զրույցի ընթացքում նշվել է պետությունների ղեկավարների շփումների կարևորությունը հարաբերությունների ընդլայնման գործում։ Բացի այդ, հանդիպմանը քննարկվել են Ադրբեջանի և Հայաստանի միջև հարաբերությունների կարգավորումը և խաղաղության պայմանագրի շուրջ բանակցային գործընթացի ներկա վիճակը։