Առողջապահության համաշխարհային կազմակերպությունը նախազգուշացնում է կորոնավիրուսի նոր շտամի տարածման մասին

Առողջապահության համաշխարհային կազմակերպությունը (ԱՀԿ) նախազգուշացրել է, որ EG.5 «Eris» օմիկրոն կորոնավիրուսային շտամի նոր տարբերակն արագորեն տարածվում է ամբողջ աշխարհում։

EG.5 շտամը գրանցվել է փետրվարի 17-ին։ Այդ ժամանակից ի վեր «աշխարհում գրանցված դեպքերի մասնաբաժնի կայուն աճ է գրանցվել», – հայտնել են կազմակերպությունից:

«Այս մուտացիայի հայտնաբերման հաճախականությունը 6,2%-ից հասել է 11,6%-ի»,- նշել է Ռոսպոտրեբնադզորը։ Այժմ օմիկրոն շտամի նոր տարբերակը նկատվում է Չինաստանում, ԱՄՆ-ում, Մեծ Բրիտանիայում, Եվրոպայում և Ասիայում։

«Ռուսաստանում EG.5 տարբերակը դեռ լայն տարածում չի գտել, սակայն առկա են COVID-19-ով համաճարակաբանական իրավիճակը բարդացնելու վտանգներ՝ կապված դրա տարածման հետ»,- ընդգծել են Ռոսպոտրեբնադզորում։

Ապրիլից օգոստոս ընկած ժամանակահատվածում հայտնաբերվել է ընդհանուր առմամբ 17 դեպք։

«Eris» շտամով հիվանդության ախտանշանները նույնն են, ինչ նախորդ տարբերակներում՝ հազ, քթահոսք, ջերմություն, կոկորդի ցավ և կրծքավանդակում ձգվածության զգացում։