Ղազախստանը դարձել է ԵԱՏՄ երկրորդ երկիրը, որը ներմուծել է թվային արժույթ
![Ղազախստանը դարձել է ԵԱՏՄ երկրորդ երկիրը, որը ներմուծել է թվային արժույթ](https://times.am/v3/wp-content/uploads/2023/08/CBDC-Kazakhstan_large-e1692097845572-1200x630.jpg)
Նմանատիպ
Ղազախստանի Ազգային բանկը ներկայացրել է նոր դրամական միավոր՝ թվային տենգե։ Այն հավասար կլինի ֆիզիկականին և հնարավոր կլինի հեշտությամբ փոխանակել կանխիկ կամ անկանխիկ միջոցներով։
Ավելի վաղ Ղազախստանի Ազգային բանկը հայտարարել էր, որ ֆինանսական շուկայի մասնակիցների հետ միասին նախատեսում է մինչև 2023թ-ի ավարտը ներդրել թվային տենգեի հարթակը։
«Բաց բանկային համակարգի ներդրումը կապահովի մրցակցության զարգացումը ֆինանսական ծառայությունների շուկայում, կօպտիմալացնի միջհամակարգային փոխգործակցությունը և կապահովի անձնական տվյալների ու սպառողների իրավունքների պաշտպանությունը՝ չվտանգելով նորարարության զարգացումը»,- ասված էր հաղորդագրության մեջ։
Նշենք, որ Ռուսաստանում օգոստոսի 1-ից ուժի մեջ է մտել թվային ռուբլու մասին օրենքը։ Այս հարցը քննարկվում է նաև Հայաստանում, Բելառուսում, Ղրղզստանում։
Հետևեք մեզ նաև Telegram-ում