Հայաստանը բրոնզե մեդալ է նվաճել

Օգոստոսի 8-ից 14-ը Ինդոնեզիայի Բանդունգ քաղաքում տեղի է ունեցել Աշխարհագրության 19-րդ միջազգային օլիմպիադան։ Հայաստանը արժանացել է բրոնզե մեդալի։

Օլիմպիադային մասնակցել են 46 երկրների 177 աշակերտ, յուրաքանչյուր թիմից առավելագույնը՝ 4 աշակերտ։

Բրոնզե մեդալի է արժանացել «Այբ» դպրոցի աշակերտ Տիգրան Մոսիկյանը:

Հայաստանից օլիմպիական թիմում նաև ներգրավված են եղել  «Քվանտ» վարժարանի աշակերտներ Անի Սարգսյանը, Էլեն Նուրազյանը և Աշոտ Ավանեսյանը։

Օլիմպիադան անցկացվել է առկա ձևաչափով, երեք փուլերով. առաջին փուլ` տեսական առաջադրանքներ, երկրորդ փուլ` դաշտային հետազոտություններ և երրորդ փուլ՝ մուլտիմեդիայի առաջադրանքներ։