Չինաստանի ռազմաօդային ուժերը մոտեցել են Թայվանին

Թայվանի պաշտպանության նախարարությունը հայտնում է, որ նախորդ օրվա ընթացքում կղզուն են մոտեցել Չինաստանի զինված ուժերին պատկանող 45 ռազմական ինքնաթիռ ու ուղղաթիռ և 9 նավ։

«Ինը SU-30, տասներկու J-10 և չորս միավոր J-11 կործանիչներ, մեկ հատ y-9 տրանսպորտային ինքնաթիռ և մեկ Z-9 բազմաֆունկցիոնալ ուղղաթիռ հատել են Թայվանի նեղուցի միջնամասը և մտել երկրի ՀՕՊ վերասկման գոտի»,- հայտնում են նախարարությունից։

ՊՆ-ից նշել են, որ մարտական բարձր պատրաստվածության են բերվել օդային և ծովային ուժերը, ինչպես նաև ցամաքային տեղակայման հրթիռային համալիրները:

Թայվանի շուրջ իրավիճակը զգալիորեն սրվել էր անցյալ տարվա օգոստոսին, երբ Թայբեյ էր այցելել ԱՄՆ Ներկայացուցիչների պալատի խոսնակ Նենսի Փելոսին: Չինաստանը դատապարտել էր ԱՄՆ բարձրաստիճան պաշտոնյայի այցը՝ համարելով, որ ԱՄՆ-ն աջակցում է Թայվանի անջատողականության տրամադրությունները։

Նենսի Փելոսիի Թայվան այցի ընթացքում Չինաստանն անցկացրեց լայնամասշտաբ զորավարժություններ։