Ուկրաինան ազգայնացրել է Բելառուսի պաշտպանության նախարարության ակտիվները

Ուկրաինայի Բարձրագույն հակակոռուպցիոն դատարանը (ԲՀԴ) հօգուտ պետության բռնագանձել է Բելառուսի պաշտպանության նախարարության ակտիվները։ Խոսքը էլեկտրական ինքնաթիռների արձակման համակարգերի մասին է։ Այս մասին հայտնել է Ռիա Նովոստին՝ հղում անելով Ուկրաինայի Բարձրագույն հակակոռուպցիոն դատարանին։

«Օգոստոսի 21-ին՝ երկուշաբթի, Բարձրագույն հակակոռուպցիոն դատարանի դատավորների կոլեգիան բավարարեց Ուկրաինայի արդարադատության նախարարության հայցն ընդդեմ Բելառուսի Հանրապետության պաշտպանության նախարարության և կիրառեց սանկցիա, որը նախատեսված է Ուկրաինայի «Պատժամիջոցների մասին» օրենքի 4-րդ հոդվածի 1-ին մասի 1-1 կետով»,- ասվում է դատարանի Telegram ալիքում հրապարակված հաղորդագրության մեջ։

Ավելի վաղ, Ուկրաինայի Արդարադատության նախարարության պատժամիջոցների քաղաքականության բաժնի ղեկավար Իննա Բոգատիխը հայտնել էր, որ Արդարադատության նախարարությունը հայց է ներկայացրել Բարձրագույն հակակոռուպցիոն դատարան՝ Բելառուսի պաշտպանության նախարարության և ռուսական ընկերության ունեցվածքը հօգուտ Ուկրաինայի վերականգնելու համար։

Խոսքը «Վոլգա-Դնեպր» ընկերությունների խմբի (ՌԴ) ակտիվների վերականգնման մասին է։