Ռուսական հացահատիկը կառաքվի Աֆրիկա

Ռուսական հացահատիկի մատակարարումների նախնական խմբաքանակը աֆրիկյան կարիքավոր երկրներ հնարավոր է առաքվի մոտ ապագայում, Թուրքիան տեղյակ է այդ գործընթացից։ Այս մասին հայտնում է RIA Novosti-ին՝ հղում անելով իր աղբյուրներին։

Ռուսաստանի նախագահ Վլադիմիր Պուտինը երեքշաբթի օրը BRICS բիզնես ֆորումի մասնակիցներին ուղղված իր ուղերձում ասել է, որ բանակցությունները Աֆրիկայի գործընկերների հետ հացահատիկի անվճար մատակարարման շուրջ ավարտվում են։ Նրա խոսքով՝ որպես առաջին քայլ՝ Ռուսաստանը որոշել է աֆրիկյան վեց երկրներ անվճար ուղարկել 25-50 հազար տոննա հացահատիկ՝ ապահովելով, մասնավորապես, այդ ապրանքների անվճար առաքումը։

«Մենք ակնկալում ենք, որ առաջին խմբաքանակի մատակարարումը կիրականացվի մոտ ապագայում, սա շատ կարևոր քայլ է կարիքավոր երկրների պարենային անվտանգության համար»,- ասել է  Թուրքիայի նախագահը։

Նա հրաժարվել է մեկնաբանել մատակարարումների գործընթացին Թուրքիայի և Կատարի մասնակցության մասին տեղեկությունները։ «Ես միայն սա կասեմ, մենք (Թուրքիան) ծանոթ ենք այս գործընթացին, այլևս ոչ մի մեկնաբանություն»,- ընդգծել է նա։

Թուրքիան ջանքեր է գործադրում Թուրքիայի տարածքում Ռուսաստանի Դաշնությունից հացահատիկի վերամշակման և ամենաաղքատ երկրներին մատակարարելու գաղափարն իրականացնելու համար, ավելի վաղ հայտարարել էր նախագահ Ռեջեփ Թայիփ Էրդողանը։ Թուրք առաջնորդը նաև ասել էր, որ Պուտինի հետ համաձայնության է եկել Աֆրիկայի երկրներ անվճար ռուսական հացահատիկ և պարարտանյութ ուղարկելու հնարավորության շուրջ։

Անցած աշնանը ՌԴ նախագահը նշել էր, որ Մոսկվան պատրաստ է ամենաաղքատ երկրներին անվճար մատակարարել հացահատիկի ողջ ծավալը, որը նախատեսված էր նրանց համար հացահատիկի գործարքի համաձայն։