G20 գագաթնաժողովը կանցկացվի առանց Սի Ցզինպինի և Վլադիմիր Պուտինի

Չինաստանի նախագահ Սի Ցզինպինը բաց կթողնի G20-ի գագաթնաժողովը, որը տեղի կունենա սեպտեմբերի 9-10-ը Հնդկաստանի մայրաքաղաք Նյու Դելիում։ Այս մասին հայտնել է Reuters-ը՝ վկայակոչելով երկու երկրների աղբյուրներին, իսկ ավելի ուշ «Ведомость»-ի դիվանագիտական ​​աղբյուրը հաստատել է տեղեկությունը։

Չինաստանը ամենամյա ֆորումին կներկայացնի երկրի վարչապետ Լի Ցիանգը, Reuters-ին հայտնել են Հնդկաստանի աղբյուրները՝ չներկայացնելով Սի Ցզինպինի՝ մասնակցությունից հրաժարվելու պատճառները: Նա նախկինում ներկա է գտնվել բոլոր գագաթնաժողովներին, բացառությամբ 2021 թվականին Հռոմում կայացած հանդիպմանը, որը տեղի է ունեցել կորոնավիրուսային համաճարակի ժամանակ։ Նախագահը հանդիպանը միացել է տեսակապի միջոցով։

Reuters գործակալության տվյալներով՝ G20-ի գագաթնաժողովը դիտվում էր որպես հարթակ, որտեղ Սի Ցզինպինը կարող էր հանդիպել ԱՄՆ նախագահ Ջո Բայդենի հետ, ով ավելի վաղ հաստատել էր իր մասնակցությունը՝ երկրների միջև առևտրային և աշխարհաքաղաքական մի շարք խնդիրների պատճառով առաջացած լարվածության ֆոնին։ Չինաստանի և Ամերիկայի ղեկավարների վերջին հանդիպումը տեղի է ունեցել 2022 թվականի նոյեմբերին Ինդոնեզիայում G20 գագաթնաժողովում։

Ավելի վաղ՝ օգոստոսի 25-ին, Կրեմլի խոսնակ Դմիտրի Պեսկովը հայտարարել էր, որ ՌԴ նախագահ Վլադիմիր Պուտինը մտադիր չէ մեկնել Հնդկաստանում կայանալիք G20 գագաթնաժողովին։ Նա դա բացատրել է առաջնորդի զբաղվածությամբ և Ուկրաինայում հատուկ գործողության անցկացմամբ։

Գագաթնաժողովի նախօրեին G20-ի երկրների նախարարությունների մակարդակով մի քանի հանդիպումներ են տեղի ունեցել, սակայն մասնակից երկրները չեն կարողացել համաձայնության գալ համատեղ հայտարարությունների շուրջ, այդ թվում՝ Ուկրաինայի հարցով։

Չինաստանն իր հերթին հայտարարել է, որ G20-ը համապատասխան հարթակ չէ անվտանգության հարցերով զբաղվելու համար։