Ադրբեջանի ԶՈւ-ն կրակ է բացել Նորաբակի դիրքերի ուղղությամբ

Ադրբեջանի ԶՈւ ստորաբաժանումները կրակում են Գեղարքունիքի մարզի Նորաբակի հատվածում տեղակայված հայկական դիրքերի ուղղությամբ, հայտնում է ՀՀ ՊՆ մամուլի ծառայությունը։

«Ժամը 12:25-ի դրությամբ Ադրբեջանի ԶՈւ ստորաբաժանումները հրաձգային զենքերից կրակ են բացել Նորաբակի հատվածում տեղակայված հայկական դիրքերի ուղղությամբ»,–ասված է հաղորդագրության մեջ։

Պաշտպանության նախարարությունը խոստանում է հանդես գալ լրացուցիչ հաղորդագրությամբ:

Հիշեցնենք, որ այսօր՝ սեպտեմբերի 1-ին՝ ժամը 07:50-ից սկսած, ադրբեջանական կողմը ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ։