ԿԲ-ն իջեցրել է վերաֆինանսավորման տոկոսադրույքը

Հայաստանի Հանրապետության Կենտրոնական բանկի մամուլի ծառայությունից հայտնում են, որ  սեպտեմբերի 12-ին տեղի է ունեցել ՀՀ ԿԲ խորհրդի նիստ, որի ժամանակ որոշվել է իջեցնել վերաֆինանսավորման տոկոսադրույքը 0.5 տոկոսային կետով՝ սահմանելով  այն 9.75 %։

Բացի այս, Կենտրոնական բանկի կողմից տրամադրվող լոմբարդային ռեպոյի տոկոսադրույքը սահմանվել է 11.25 %, իսկ ՀՀ ԿԲ-ի կողմից բանկերից ներգրավվող միջոցների տոկոսադրույքը` 8.25 %:

ՀՀ ԿԲ մամուլի ծառայությունից նաև հավելել են, որ այսօր տեղի կունենա Կենտրոնական բանկի նախագահ Մարտին Գալստյանի ասուլիսը, որը կհեռարձակվի ՀՀ ԿԲ յութուբյան և ֆեյսբուքյան էջերով։