Թուրքիան հերքում է գազային հանգույցի վերաբերյալ լուրերը

Թուրքիան հերքում է Ռուսաստանի Դաշնության հետ գազային հանգույցի շուրջ բանակցությունների հետաձգման մասին լուրերը։

«Այն պահից, ինչ Ռուսաստանի Դաշնությունը մեզ առաջարկել էր գազի առևտրի այս հարթակը, երկրաշարժ և ընտրություններ եղան։ Այնպես որ, սա ժամանակավոր դադար էր, բայց հիմա նորից բանակցում ենք։ Եթե ​​մենք ցանկանում ենք ավելի շատ գազ ստանալ, եթե ցանկանում ենք ավելի շատ խաղացողներ ներգրավել խաղի մեջ, ապա միգուցե նոր բորսան կարող է ավելի նշանակալից լինել: Մենք դեմ չենք գազի առևտրի լրացուցիչ հարթակի ստեղծմանը։ Բայց եթե մենք այժմ ունենք գազի առևտրի գործող հարթակ, ապա պետք չէ ևս մեկ տարի սպասել՝ այս առևտրային գործունեությունը սկսելու համար»,- ասել է հանրապետության էներգետիկայի և բնական պաշարների նախարար Ալփարսլան Բայրաքթարը։

Ավելի վաղ, թուրքական աղբյուրները The Middle East Eye-ին հայտնել էին, որ Անկարան ցանկանում է ձեռք բերել ռուսական գազի վերաարտահանման իրավունքներ և թույլ տալ, որ մասնավոր ընկերությունները բորսայում տարբեր աղբյուրներից խառնուրդներ վաճառեն։

Reuters-ի փոխանցմամբ՝ Թուրքիան և «Գազպրոմը» շարունակում են քննարկումները, թե ով է ղեկավարելու հանգույցը։