ՆԱՍԱ-ն ՉԹՕ-ների ուսումնասիրման տնօրեն է նշանակել

«Եթե կարծում եք, որ կառավարությունը ձեզանից ինչ-որ բան է թաքցնում, ապա ասեմ՝ մենք ենք կառավարությունը։ Մենք հաստատ ոչինչ չենք թաքցնի ձեզանից»,-լրագրողներին ասել է ՆԱՍԱ-ի ադմինիստրատորը:

ՆԱՍԱ-ի ղեկավարությունը նոր պաշտոն ու պարտականություն ունի ՝ չբացահայտված անոմալ երևույթների (NAF) ուսումնասիրության տնօրեն, որն ավելի հայտնի է, որպես ՉԹՕ:

Ավելին, այդ պաշտոնն արդեն որոշ ժամանակ զբաղեցնում է մի մարդ, որն օգնել է անկախ փորձագիտական հանձնաժողովի աշխատանքներին ուսումնասիրելու անհայտ թռչող օբյեկտների հետ հանդիպումների տեսագրություններն ու այլ վկայությունները:

Հինգշաբթի հանձնաժողովի աշխատանքի արդյունքները հրապարակվել են ՆԱՍԱ-ի կայքում՝ 36 էջանոց զեկույցի տեսքով:

Հիմնական եզրակացությունն այն է, որ ավելի քան մեկ տարվա աշխատանքի ընթացքում անկախ փորձագետները համոզիչ ապացույցներ չեն գտել, որ տեսագրության մեջ պատկերված խորհրդավոր երևույթներից կամ օբյեկտներից գոնե մի քանիսը արտերկրյա ծագում ունեն:

Բայց դա չի նշանակում, որ հակառակը ճիշտ է։

«Բայց դա չի նշանակում, որ հակառակը ճիշտ է։ Ինչ է այն իրականում, մենք չգիտենք», – ընդգծեց ՆԱՍԱ-ի ադմինիստրատոր Բիլ Նելսոնը:

Նա հստակեցրել է, որ մանրակրկիտ ուսումնասիրելով ՉԹՕ-ների հետ հանդիպումների բոլոր ապացույցները՝ հանձնաժողովին հաջողվել է նույնականացնել օբյեկտների մեծ մասը: Որոշ անհայտ թռչող օբյեկտների ավելի մանրամասն ուսումնասիրության արդյունքում պարզվեց, որ փուչիկներ են: Մյուսները՝ մթնոլորտային երևույթներ: Բայց կան երևույթներ, որոնց բնույթը մնում է առեղծված։

Նելսոնը պատմել է, որ անձամբ ինքը ոչ միայն հավատում է տիեզերքի ընդարձակության մեջ այլ քաղաքակրթությունների գոյությանը, այլև գրեթե համոզված է դրանում։

Նա հիշեցրել է, որ տիեզերքում կան միլիարդավոր գալակտիկաներ, որոնցից յուրաքանչյուրում կան անհաշվելի քանակության աստղեր։ Նրանցից շատերն ունեն արբանյակներ, այդ թվում՝ այսպես կոչված «Goldilocks Zone» – ում՝ ոչ շատ մոտ Մայր աստղին, բայց ոչ էլ շատ հեռու:

New York Times-ի խմբագրական խորհրդի խնդրանքով ՆԱՍԱ-ն նույնիսկ հաշվարկել է մաթեմատիկական հավանականությունը, որ այդ էկզոմոլորակներից մեկում ինչ-որ պահի կյանք է ծնվել:

«Եթե մենք դեռ չենք կարող հասնել այլ աշխարհներ, ապա պետք է ընդունենք, որ մեր մոտ եկող այլմոլորակայինները պետք է շատ ավելի զարգացած լինեն՝ առնվազն տեխնոլոգիական իմաստով»,-նշել է Նելսոնի գիտության գծով տեղակալ Նիկոլա Ֆոքսը։