Իրանում անօդաչու թռչող սարք է կործանվել

Իրանի հյուսիսում գտնվող Գորգան քաղաքի բնակելի թաղամասում անօդաչու թռչող սարք է կործանվել։ Այս մասին հայտնում են իրանական պետական լրատվամիջոցները։

Տուժածների մասին առայժմ ոչինչ չի հաղորդվում, իսկ իրավապահ մարմինները հայտնել են, որ հետաքննում են միջադեպը:

Իրանական լրատվամիջոցները տարածել են մի քանի լուսանկարներ և տեսանյութեր, որտեղ պատկերված է փողոցում ընկած այրված առարկան, որտեղ մոտակայքում գտնվող խանութների ապակիները կոտրվել են, իսկ մեքենաները վնասվել են: Ոստիկանությունը շրջափակել է տարածքը։