Ալիևը հրաժարվել է հանդիպել Փաշինյանի հետ
04/10/2023 13:46
![Ալիևը հրաժարվել է հանդիպել Փաշինյանի հետ](https://times.am/v3/wp-content/uploads/2023/10/Image-53-e1696412731306-1200x630.jpeg)
Նմանատիպ
Ադրբեջանի նախագահ Իլհամ Ալիևը հրաժարվել է մեկնել Իսպանիա, որտեղ նախատեսվում էր հանդիպում Հայաստանի վարչապետ Նիկոլ Փաշինյանի հետ՝ ԵՄ-ի, Ֆրանսիայի և Գերմանիայի ղեկավարների մասնակցությամբ։ Այս մասին հայտնում են ադրբեջանական աղբյուրները։
Պատճառը Ֆրանսիայի ապակառուցողական դիրքորոշումն է, ինչպես նաև Փարիզի և Բեռլինի անհամաձայնությունը Թուրքիայի հանդիպմանը մասնակցելու հարցում։ Նման պայմաններում ադրբեջանական կողմը հրաժարվել է բանակցություններ վարել։
Նշենք նաև, որ Թուրքիայի նախագահ Ռեջեփ Թայիփ Էրդողանը մրսածության պատճառով նույնպես չեղարկել է իր մասնակցությունը Եվրոպական քաղաքական համայնքի գագաթնաժողովին, որտեղ ակնկալվում էին քննարկումներ տարածաշրջանի վերաբերյալ։ Այս մասին գրում են թուրքական լրատվամիջոցները։
Հետևեք մեզ նաև Telegram-ում