ՀՀ-ն հայց է ներկայացրել ՄԱԿ-ի դատարան ընդդեմ Ադրբեջանի

Հաագայում ՄԱԿ-ի միջազգային դատարանը Լեռնային Ղարաբաղի իրավիճակի պատճառով Ադրբեջանի դեմ Հայաստանի ներկայացրած հայցի վերաբերյալ լսումների օր է նշանակել հոկտեմբերի 12-ը: Այս մասին հայտնում է Ռիա Նովոստին։

Հայաստանը հայցադիմում է ներկայացրել միջազգային իրավունքում ամրագրված իրավունքների պահպանման և պաշտպանության համար` «Ռասայական խտրականության բոլոր ձևերի վերացման մասին» կոնվենցիայի դրույթներին համապատասխան` կոչ անելով միջանկյալ միջոցներ ձեռնարկել Բաքվի նկատմամբ:

2023 թվականի հոկտեմբերի 12-ին, Միջազգային դատարանը՝ ՄԱԿ-ի գլխավոր դատական մարմինը, կանցկացնի «Ռասայական խտրականության բոլոր ձևերի վերացման միջազգային կոնվենցիայի» կիրառման գործով հանրային լսումներ: