Վառելիքի պայթյունից տուժած 4 ծանր վիրավոր տեղափոխվել են Ֆրանսիա
![Վառելիքի պայթյունից տուժած 4 ծանր վիրավոր տեղափոխվել են Ֆրանսիա](https://times.am/v3/wp-content/uploads/2023/10/66963441_0_0_1024_672_1440x900_80_0_1_e4b6dce0c54b99a9135146bf6edffc2d.jpg-600x315.webp)
Նմանատիպ
Արցախից տարհանված չորս ծանր վիրավոր այսօր տեղափոխվել են Ֆրանսիա։ Այս մասին հայտնում է Հայաստանում Ֆրանսիայի դեսպանատունը։
«Ինչպես և Կատրին Կոլոննան խոստացել էր` այսօր կեսօրին 4 ծանր հիվանդ տեղափոխվել են Ֆրասիայի բժշկական հատատություններ»,– ասված է հայտարարությունում։
Նշվում է, որ Ֆրանսիան շարունակում է աջակցել Հայաստանին և Լեռնային Ղարաբաղից հայ փախստականներին։
Ավելի վաղ, Ֆրանսիայի արտգործնախարար Կատրին Կոլոննան այցելել էր Երևանի այրվածքաբանության ազգային կենտրոն` Արցախում վառելիքի պայթյունից տուժած քաղաքացիներին տեսակցելու։ Նա այնտեղ տեղեկացրել էր, որ Ֆրանսիան մտադիր է 4 բուժառուի տեղափոխել` բուժումն այնտեղ շարունակելու նպատակով։
Հիշեցնենք` սեպտեմբերի 25-ին Ստեփանակերտի մոտակայքում գտնվող բենզինի պահեստում տեղի ունեցավ ուժեղ պայթյուն, որի հետևանքով բազմաթիվ մարդիկ մահացան։
Արցախի բուժհաստատություններից Հայաստան է տեղափոխվել 349 բուժառու, նրանց մեծ մասը ծանր և ծայրահեղ ծանր վիճակում են գտնվում։
Հետևեք մեզ նաև Telegram-ում