Թամանյանի գլխավոր հատակագծի շոշափելի կրկնօրինակը Երևանի պատմության թանգարանում

Երևանի պատմության թանգարանում կայացել է «Խոսող կտավների» ցուցահանդեսը։ Այս մասին տեղեկացրել է Երևանի քաղաքապետարանը։

Այսուհետ Թամանյանի գլխավոր հատակագծի շոշափելի կրկնօրինակը կլինի Երևանի պատմության թանգարանում։

Թանգարանի տեսողական խնդիրներ ունեցող այցելուները կկարողանան շոշափել և ծանոթանալ մայրաքաղաքի հատակագծին ու պատմությանը։

Նախաձեռնությունն իրականացվել է «Խոսող կտավներ» ներառական նախագծի շրջանակում։

Հատակագիծը պատրաստված է դետալ առ դետալ նույն ճշգրտությամբ։ Շուրջ չորս ամիս է պահանջվել մասնագետներից այն ամբողջացնելու համար։