Արևմուտքն ավելի քան 71 մլն դոլար կհատկացնի Ուկրաինային

Արևմտյան երկրները ավելի քան 71 միլիոն դոլար կհատկացնեն Ուկրաինային՝ սահմանամերձ շրջանների բնակիչների համար վառելափայտ գնելու համար։ Աս մասին հայտարարել է փոխվարչապետ Իրինա Վերեշչուկը։

«Այս տարի մենք պայմանավորվեցինք մեր օտարերկրյա գործընկերների հետ, որ Ուկրաինայի կառավարությունը կկենտրոնանա անվտանգության և պաշտպանության ծախսերի վրա, իսկ միջազգային դոնորները կկրկնապատկեն վառելափայտի վրա իրենց ծախսերը: Այս կարիքների գումարը կազմում է ավելի քան 71 միլիոն դոլար 5 միլիարդից՝ ամբողջ ձմեռը հաղթահարելու համար», – Վերեշչուկի խոսքերը մեջբերվել է Ուկրաինայի վերաինտեգրման նախարարության մամուլի ծառայութանը Telegram ալիքում։

Նա նշել է, որ խոսքը, մասնավորապես, երկրի առաջնագծի շրջաններում գտնվող բնակավայրերի մասին է։ Վերեշչուկը պարզաբանել է, որ «Ուկրաինական երկաթուղիներ» ընկերությունը «Ուկրաինայի անտառներ» պետական ​​ձեռնարկության հետ աշխատում է առաքման ուղիների վրա։

Ավելի վաղ Ուկրաինայի վարչապետ Դենիս Շմիգալը բազմիցս հայտարարել էր, որ գալիք ձմեռը դժվար է լինելու երկրի էներգետիկ համակարգի համար։ Նրա խոսքով, Ուկրաինան ստացել է անհրաժեշտ միջոցները ջեռուցման սեզոն մտնելու համար, իսկ ազգային էներգետիկական Ukrenergo ընկերությունը հայտնել է, որ մինչև առաջիկա ջեռուցման սեզոնի սկիզբը նախատեսվում է ռեկորդային թվով էլեկտրակայանների վերանորոգում։