Քիմ Քարդաշյանը դիմել է իր հրեա ընկերներին
Նմանատիպ
Քիմ Քարդաշյանը դիմել է իր հրեա ընկերներին, ովքեր դժվարին ժամանակներ են ապրում, նշելով՝ «դուք մենակ չեք»: Instagram-ում տեղադրած իր հրապարակման մեջ աշխարհահռչակ հայուհին նշել է, որ իր սիրտը ցավում է՝ տեսնելով ահաբեկված և սպանված երեխաների ու ընտանիքների տեսանյութերը:
«Դաժան ահաբեկչությունը խլել է անմեղ կյանքեր, և հիմա թե՛ Իսրայելի, թե՛ Պաղեստինի քաղաքացիները տառապում են՝ վճարելով ամենաթանկ գինը», – գրել է Քիմը՝ հավելելով, որ որպես հայուհի՝ հատկապես զգայուն է նման թեմաների հանդեպ:
«Ես տարիներով խոսել եմ Հայոց ցեղասպանության մասին, իսկ հիմա, ամիսներ տևած բլոկադայից հետո, որին եղավ մինիմալ մեդիա անդրադարձ և ոչ մի աջակցություն, Արցախում հայերը դարձան էթնիկ զտման զոհ: Այս պահին նրանք ևս ապրում են մարդկային ծայրահեղ աղետ, և դեռ կան գերեվարվածներ ու անհետ կորածներ», – շեշտել է Քարդաշյանը: Նա նաև ավելացրել է՝ կապ չունի՝ ում կողմից եք, «մեր սրտերում միշտ պետք է կարեկցանք լինի անմեղ զոհերի նկատմամբ»:
Քարդաշյանը կոչ է արել գործել այսօր. «Այն, ինչ մենք կարող ենք անել, պարզապես, մեր ընկերներին, գործընկերներին հասնելն է, բոլոր նրանց, ովքեր տառապում են: Աղոթենք և միշտ խաղաղ լինենք»:
Հետևեք մեզ նաև Telegram-ում