Թուրքիան պատրաստ է լուծել պաղեստինա-իսրայելական հակամարտությունը. Էրդողան
Նմանատիպ
Թուրքիայի նախագահ Ռեջեփ Թայիփ Էրդողանը Գերմանիայի կանցլեր Օլաֆ Շոլցի հետ հեռախոսազրույցի ժամանակ ասել է, որ Անկարան պատրաստ է բազմաթիվ խաղաղ քայլեր ձեռնարկել, այդ թվում՝ միջնորդություն պաղեստինա-իսրայելական կարգավորման հարցում։
«Թուրքիայի Հանրապետության նախագահ Ռեջեփ Թայիփ Էրդողանը հեռախոսազրույց է ունեցել Գերմանիայի Դաշնային Հանրապետության կանցլեր Օլաֆ Շոլցի հետ, որի ընթացքում մտքեր են փոխանակվել իսրայելա-պաղեստինյան հակամարտության և հումանիտար ճգնաժամի կարգավորման ուղիների որոնման շուրջ։ Նախագահ Էրդողանը հայտարարել է, որ Թուրքիան գործադրում է բոլոր ջանքերը ճգնաժամը հնարավորինս արագ լուծելու համար և պատրաստ է բազմաթիվ խաղաղ քայլերի, այդ թվում՝ միջնորդության», – ասել է Թուրքիայի ղեկավարի գրասենյակը։
Զրույցի ընթացքում նախագահ Էրդողանը նշել է, որ խնդրի հիմնարար լուծման համար անհրաժեշտ է, որ Պաղեստինին տրված խոստումները կատարվեն, և միջազգային հանրությունը առաջնորդի աշխարհագրական ամբողջականությամբ անկախ, ինքնիշխան Պաղեստին պետության ստեղծմանը, որի մայրաքաղաքը կլինի Երուսաղեմը 1967 թվականի սահմաններով։
Հետևեք մեզ նաև Telegram-ում