Իսրայելի հետ հարաբերությունների կարգավորումը դադարեցվում է. Էր Ռիադ

Սաուդյան Արաբիայի իշխանությունները ԱՄՆ նախագահ Ջո Բայդենի վարչակազմին հայտնել են Իսրայելի հետ հարաբերությունների կարգավորման գործընթացը  դադարեցնելու որոշման մասին: Այս մասին հայտնում է Bloomberg գործակալությունը ՝ հղում անելով իր աղբյուրներին։

Նշվում է, որ որոշման պատճառը  պաղեստինա-իսրայելական հակամարտության սրումն է։  Սաուդյան Արաբիայի ղեկավարությունը  նման որոշումը բնութագրել է որպես դադար, այլ ոչ թե այդ ուղղությամբ դիվանագիտական ջանքերի վերջ։ 

Իր հերթին ամերիկացի պաշտոնյան Bloomberg-ին հայտնել է, որ Բայդենի վարչակազմը կշարունակի կապեր պահպանել սաուդցիների հետ, իսկ հարաբերությունների կարգավորման դադարեցման մասին տեղեկատվություն վարևակազմը  չի ստացել:

Գործակալությունը կարծում է, որ Էր Ռիադի որոշումը «լուրջ հարված էր նախագահ Ջո Բայդենի հավակնություններին»  և Մերձավոր Արևելքում նրա քաղաքականությանը: Վաշինգտոնի վարչակազմը մտադիր էր աջակցել տարածաշրջանում կարգավորման շուրջ բանակցություններին ՝ չնայած բռնության սրմանը։

Ավելի վաղ Սաուդյան Արաբիայի այս որոշմանն անդրադարձել էր Reuters գործակալությունը։ Հղում անելով իր աղբյուրներին,  Reuters -ը գրել էր, որ երբ կարգավորման գործընթացը վերսկսվի, պաղեստինցիներին Իսրայելի զիջումների հարցին  պետք է ավելի մեծ առաջնահերթություն տալ: Գործակալության մեկ այլ զրուցակից հայտնել է, որ Վաշինգտոնն ընթացիկ շաբաթ Էր Ռիադից պահանջել է դատապարտել պաղեստինյան ՀԱՄԱՍ արմատական շարժման գործողությունները, սակայն Թագավորության արտաքին գործերի նախարար Ֆեյսալ բեն Ֆարհան ալ Սաուդը հրաժարվել է դա անել:

Հետևեք մեզ նաև Telegram-ում