Իսրայելը հերքել է հրադադարի մասին տեղեկությունները
16/10/2023 11:51
![Իսրայելը հերքել է հրադադարի մասին տեղեկությունները](https://times.am/v3/wp-content/uploads/2023/10/HGLKYIX33ZPJVM5FP3CLBKNQ5Y-scaled-e1696705195254-1200x630.jpg)
Նմանատիպ
Իսրայելը հերքել է տեղեկությունն այն մասին, որ համաձայնել է դադարեցնել կրակը Գազայի հարավում, որպեսզի թույլ տա Եգիպտոսի հետ սահմանին գտնվող «Ռաֆահ» սահմանային անցակետը բացել՝ օգնությունը Գազայի հատված հասցնելու և օտարերկրացիներին դուրս գալու հնարավորություն տալու համար: Այս մասին գրում է timesofisrael.com-ը:
«Այս պահին Գազայի հատվածում մարդասիրական օգնության և օտարերկրացիների դուրս գալու նպատակով կրակի դադարեցում չկա»,- ասվում է վարչապետ Բենիամին Նեթանյահուի գրասենյակից։
Հիշեցնենք, որ ավելի վաղ Reuters լրատվական գործակալությունը, վկայակոչելով Եգիպտոսի անվտանգության երկու պաշտոնյայի, հայտնել էր, որ Իսրայելը համաձայնել է դադարեցնել կրակը առավոտյան ժամը 9-ից՝ Եգիպտոսի և ԱՄՆ-ի հետ միջնորդած գործարքի շրջանակում:
Հետևեք մեզ նաև Telegram-ում