Պուտինը Գազայում տիրող իրավիճակը քննարկել է Մերձավոր Արևելքի առաջնորդների հետ

Ռուսաստանի նախագահ Վլադիմիր Պուտինը հեռախոսազրույց է ունեցել պաղեստինա-իսրայելական հակամարտության շուրջ Սիրիայից՝ Բաշար ալ Ասադի, Իրանի Իբրահիմ Ռայիսիի, Պաղեստինի Մահմուդ Աբասի և Եգիպտոսի Աբդել Ֆաթահ աս Սիսիի հետ։ Այս մասին հայտնում է Կրեմլի մամուլի ծառայությունը։

«Բոլոր խոսակցությունների ընթացքում հիմնական շեշտը դրվել է կտրուկ սրվող պաղեստինա-իսրայելական հակամարտության վրա, ծայրահեղ անհանգստություն է արտահայտվել ռազմական գործողությունների լայնածավալ սրման առնչությամբ, որն ուղեկցվում է քաղաքացիական զոհերի թվի աղետալի աճով և Գազայի հատվածում խորացող հումանիտար ճգնաժամով»,- ասված է հայտարարության մեջ։ Պուտինը և Մերձավոր Արևելքի առաջնորդները տարածաշրջանում ճգնաժամի պատճառ են համարում կարգավորման լճացումը։

Պուտինը գործընկերների հետ հեռախոսազրույցում քննարկել է նաև Գազայում հումանիտար իրավիճակը։ «Ռուսաստանի նախագահը լսել է իր գործընկերների նկատառումներն ու գնահատականները, որոնք ընդգծել են Գազայում հումանիտար իրավիճակի լրջությունը և դեղորայքի, սննդի և այլ կենսական նշանակության այլ ապրանքների հրատապ մատակարարման հատվածի շրջափակումը վերացնելու անհրաժեշտությունը»,-ասված է հայտարարության մեջ։

Կրեմլը հավելել է, որ զրուցակիցները «լուրջ մտահոգությունեն հայտնել՝ կապված հակամարտությունը տարածաշրջանային պատերազմի վերածվելու հավանականության վերաբերյալ»։ Պուտինը Մերձավոր Արևելքի առաջնորդների հետ զրույցներում մարդասիրական օգնություն է առաջարկել։

Ռուսաստանի նախագահն անընդունելի է անվանել Մերձավոր Արևելքում հակամարտությունում խաղաղ բնակչության նկատմամբ բռնությունը։ «Վլադիմիր Պուտինն իր հերթին ընդգծել է խաղաղ բնակչության նկատմամբ բռնության ցանկացած ձևի անընդունելիությունը»,- ասվում է ուղերձում։

Պուտինը Եգիպտոսի նախագահի հետ քննարկել է Գազայի հատվածից ԱՊՀ երկրների քաղաքացիների տարհանման հարցը։ «Շոշափվել են Գազայի հատվածից Ռուսաստանի և ԱՊՀ երկրների քաղաքացիների տարհանման հարցում եգիպտական ​​կողմից օգնություն ցուցաբերելու հարցերը», – հաղորդում է Կրեմլի մամուլի ծառայությունը։