Թուրքիայում լայնածավալ հակաիսրայելական ցույցեր են ընթանում

Այս գիշերը Թուրքիայում լայնածավալ հակաիսրայելական ցույցեր են տեղի ունեցել: Այս մասին հայտնում է NTV-ն։

Գազայի հիվանդանոցին հասցված հարվածի հետևանքով հարյուրավոր խաղաղ բնակիչների մահվան մասին լուրերից հետո տարբեր քաղաքներում հազարավոր թուրք բնակիչներ գնացել են Իսրայելի դեսպանատան և հյուպատոսությունների մոտ։

Ստամբուլում ցուցարարները պահանջում էին բացել հումանիտար միջանցքները դեպի Գազա և նույնիսկ թուրքական զորքեր տեղադրել այնտեղ պաղեստինցիներին օգնելու համար։

Ցուցարարներն անգամ կրակել են Իսրայելի դեսպանատան շենքի վրա և փորձել գրոհել այն։

🚨JUST IN: The Israeli consulate in Istanbul, Turkey, has been overrun after protesters broke through a police barricade.

Source: Voreposte#مستشفى_المعمداني #GazaAttack #IsraelGazaWar #hospital #IsrealPalestineconflict #Israel #Gaza #ZionistTerror #IsraeliNewNazism… pic.twitter.com/XgmeaWvdS9

— Palestine News 🇯🇴 (@Kinzaumer91) October 18, 2023

Ամբոխին շենքից հեռացնելու համար ոստիկանությունը ջրցան մեքենաներ և արցունքաբեր գազ է կիրառել։ Սոցցանցերում հայտնվել են ցուցարարների և ոստիկանների բազմաթիվ բախումների կադրեր։

Անկարայում փողոցը, որտեղ գտնվում է Իսրայելի դեսպանատունը, ամբողջությամբ փակել են ոստիկաններն ու հատուկ ջոկատայինները շենքի գրավումը կանխելու համար։

Բողոքի ցույցեր են տեղի ունեցել նաև Իզմիրում և Ադանայում ԱՄՆ գլխավոր հյուպատոսության մոտ, որտեղ տեղակայված է ամերիկյան Ինջիրլիք ավիաբազան։

Նշենք, որ երեկ երեկոյան հայտնի դարձավ, որ Պաղեստինի Գազայի հատվածում տեղակայված Ahli Arab հիվանդանոցի ուղղությամբ Իսրայելի ավիահարվածի հետևանքով ավելի քան 500 մարդ է մահացել։ Պաղեստինում եռօրյա սուգ է հայտարարվել։