Starlink-ը հաջողությամբ արբանյակներ է ուղեծիր դուրս բերել

Ամերիկյան SpaceX ընկերությունը իրականացրել է Starlink–ի 23 արբանյակներով Falcon 9 հրթիռակրի արձակումը և հաջողությամբ դրանք ուղեծիր է դուրս բերել։ Այս մասին Х սոցցանցում հայտնում է ընկերության մամուլի ծառայությունը։

Falcon 9 launches 23 @Starlink satellites to orbit from Florida pic.twitter.com/gpVyPPVuGc

— SpaceX (@SpaceX) October 22, 2023

Նշվում է, որ արձակումն իրականացվել է Ֆլորիդայից կիրակի առավոտյան։

«Ուղեծիր Starlink–ի 23 արբանյակների դուրս բերումը հաստատվել է», – ասվում է հաղորդագրության մեջ։

Starlink-ը հաջորդ սերնդի արբանյակային ցանց է, որը նախատեսված է լայնաշերտ ինտերնետ հասանելիություն ապահովելու համար մոլորակի ցանկացած կետում: Նախագծի իրականացումը սկսվել է Իլոն Մասկին պատկանող SpaceX ընկերության կողմից 2018 թվականի փետրվարին։ Ներկայում ուղեծրում Starlink–ի շուրջ 4.2 հազար սարք է գործում։