Իրանում գրանցվել է երկրաշարժ, զգացվել է նաև Սյունիքում

Այսօր առավոտյան ժամը 10:05-ին (Գրինվիչի ժամանակով՝ ժամը 06:05-ին) երկրաշարժ է գրանցվել Իրանի Խոյ քաղաքից 31 կմ հարավ-արևելք։ Այս մասին հայտնում է ՀՀ ՆԳՆ մամուլի ծառայությունը։

Նշվում է, որ երկրաշարժը եղել է օջախի 10 կմ խորությամբ և 4.3 մագնիտուդով: Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:

Երկրաշարժը զգացվել է Սյունիքի մարզի Կապան, Քաջարան, Մեղրի և Ագարակ քաղաքներում՝ 2-3 բալ ուժգնությամբ։