Սիրիայի ամերիկյան բազայում պայթյուններ են լսվել

Պայթյուններ են լսվել Սիրիայի արևելքում գտնվող Դեյր էզ Զոր նահանգի Օմար նավթահանքի մոտ գտնվող ամերիկյան բազայում։ Այս մասին հայտնում է ՌԻԱ Նովոստին։

«Դեյր էզ Զորի արևելքում գտնվող Օմար նավթային հանքավայրի ամերիկյան ռազմաբազայի տարածքում մի քանի պայթյուն է լսվել», – ասել է աղբյուրը։

Ավելի վաղ Պենտագոնի ղեկավար Լլոյդ Օսթինը հայտարարել էր, որ ամերիկյան ինքնաթիռները հարձակվել են Սիրիայում երկու թիրախների վրա, որոնք ենթադրաբար օգտագործվել են Իսլամական հեղափոխության պահապանների կորպուսի և իրանամետ խմբավորումների կողմից։ Նա ընդգծել էր, որ պայթյունները կապված չեն պաղեստինա-իսրայելական հակամարտության հետ։

«Ալ-Մայադին» հեռուստաընկերությունը, վկայակոչելով իր աղբյուրներին, հաղորդում է, որ բազան հարձակման է ենթարկվել անօդաչու թռչող սարքերի և հրթիռների միջոցով: