ԱՄՆ-ն Իսրայելից պահանջում է պահպանել կանոնները
31/10/2023 12:32
Նմանատիպ
ԱՄՆ-ի նախագահի ազգային անվտանգության հարցերով խորհրդական Ջեյք Սալիվանը CNN-ին տված հարցազրույցում ասել է, որ ԱՄՆ նախագահ Ջո Բայդենը բանակցություններ կվարի Իսրայելի վարչապետ Բենիամին Նեթանյահուի հետ։
Բայդենը մտադիր է ընդգծել Գազայում ահաբեկիչներին խաղաղ բնակչությունից տարբերելու կարևորությունը։ Սալիվանը նշել է. «Հազարավոր պաղեստինցի խաղաղ բնակիչներ են զոհվել հակամարտության ընթացքում, և դա ողբերգություն է»։
«Այս մարդիկ արժանի չէին մահվան։ Նրանք արժանի էին ապրելու խաղաղության, ապահովության և արժանապատվության մեջ»:
Սալիվանը նաև մատնանշել է Իսրայելի` պատերազմում «միջոցները նպատակներին համապատասխանեցնելու» անհրաժեշտությունը՝ հավանաբար վկայելով Վաշինգթոնի անհանգստության մասին` ցամաքային գործողություններում Իսրայելի ռազմավարության վերաբերյալ:
Հետևեք մեզ նաև Telegram-ում