Դոնեցկը հրթիռակոծվել է․ տուժածների մեջ կան լրագրողներ

Դոնեցկն հրթիռակոծվել է Ուկրաինայի զինված ուժերի կողմից, ինչի արդյունքում քաղաքում խոշոր հրդեհ է սկսվել։ Այս մասին հայտնել է ՌԻԱ Նովոստիի թղթակիցը։

Նրա խոսքով՝ հարձակման է ենթարկվել վառելիքով և քսանյութերով տանկը։

Հրթիռակոծության արդյունքում վիրավորվել են «Իզվեստիա» հեռուստաալիքի նկարահանող խմբի անդամները։ Տեղեկությունը հաղորդել է մեդիա հոլդինգը իր Telegram ալիքում։

Թղթակից Եվգենի Բիկովսկին և լրագրող Ալեքսեյ Պոլտորանինը ստացել են բեկորային վնասվածքներ, իսկ ռազմական թղթակից Ալեքսանդր Մարտեմյանովը՝ միջանցիկ վերքեր։

Բիկովսկին պատմել է, որ «Իզվեստիա»-ի նկարահանող խումբը եկել էր Դոնեցկի Բուդեննովսկի շրջան՝ գնդակոծության մասին նյութեր պատրաստելու, իսկ լրագրողների կողքին տանկեր են պայթել։

Բացի հեռուստաալիքի աշխատակիցներից, հրթիռակոծման գոտում է հայտնվել ՏԱՍՍ-ի ֆոտոլրագրող Դմիտրի Յագոդկինը, հաղորդում է գործակալությունը։ Նրա խոսքով՝ ուկրաինացի զինվորականներն առնվազն երեք հարված են հասցրել՝ բազմակի արձակման հրթիռային համակարգից (MLRS):

ՌԴ ՊՆ տվյաներով՝ վերջին 24 ժամվա ընթացքում Ուկրաինայի զինված ուժերը հանրապետության տարածքի ուղղությամբ կրակել են 29 անգամ՝ արձակելով 106 միավոր տարբեր զինամթերք։ Մեկ քաղաքացիական անձ վիրավորվել է, չորս բնակելի շենք՝ վնասվել։