Քննարկվել է Արցախում Ադրբեջանի իրականացրած էթնիկ զտումների հարցը

ՀՀ ներքին գործերի նախարար Վահե Ղազարյանն այսօր Եվրոպայի խորհրդի պատվիրակությանն է ներկայացրել Ադրբեջանի կողմից էթնիկ զտումների հետևանքով Լեռնային Ղարաբաղից ՀՀ բռնագաղթված տասնյակ հազարավոր մարդկանց իրավիճակը։

Ներքին գործերի նախարարը ներկայացրել է իր ղեկավարած գերատեսչությունում իրականացվող բարեփոխումների ընթացակարգը։ Խոսել է նաև ոստիկանության բնագավառում նախատեսվող օրենսդրական  փոփոխությունների մասին։

Նա շեշտել է, որ դրանք նպաստելու են ոչ միայն ոստիկանության համար անհրաժեշտ երաշխիքների ձևավորմանը, այլև քաղաքացիների իրավունքների պաշտպանությանը։

Քննարկվել է նաև, թե զանգվածային միջոցառումների ժամանակ ոստիկանության ծառայողների մասնակցությամբ միջադեպերն ինչպես են քննվում։