ԱՄՆ-ն ակնկալում է՝ Իսրայելը ռազմական օգնությունը կկիրառի պատերազմի օրենքներով

ԱՄՆ–ն Իսրայելին ռազմական օգնություն է ցուցաբերում` ակնկալելով, որ այն կկիրառվի միջազգային իրավունքի նորմերին համապատասխան։ Ինչպես հայտնում է ՌԻԱ Նովոստին, այս հայտարարությունն արել է Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

«Մենք անվտանգության ոլորտում օգնություն ենք ցուցաբերում ցանկացած օտարերկրյա պետության, այդ թվում` Իսրայելին` ակնկալելով, որ այդ սպառազինությունն օգտագործվելու է զինված հակամարտության օրենքներին համապատասխան»,- ասել է նա։

Հիշեցնենք, որ ավելի վաղ, ՀԱՄԱՍ-ը հայտարարել էր, որ իսրայելական իշխանությունը ամբողջությամբ փակել է Գազայի հատվածի ջրամատակարարումը, բացի այդ, մնացած ջրամբարները հարվածների են ենթարկվել՝ ամերիկյան հրթիռների և ինքնաթիռների կիրառմամբ։