Հայաստանի հավաքականը մեդալներն է նվաճել աշխարհի առաջնությունում

Երևանում մեկնարկած սամբոյի աշխարհի առաջնությունում Հայաստանի հավաքականը առաջին մեդալներն է նվաճել։

Մարտական սամբոյի 98 կգ քաշային կարգում Արման Ավանեսյանը բրոնզե մեդալ է նվաճել։ Ավանեսյանը մեկնարկային գոտեմարտում հաղթանակ է տոնել, իսկ կիսաեզրափակիչում պարտվել է և դարձել բրոնզե մեդալակիր: Ի դեպ, Արման Ավանեսյանն արցախցի է, նա Եվրոպայի գործող չեմպիոն է:

ԱԱ-ի բրոնզե մեդալ է նվաճել նաև 79կգ քաշային կարգում հանդես եկող Սարգիս Վարդանյանը:

Նա մեկնարկային գոտեմարտում հաղթել է բուլղարիայի ներկայացուցչին, այնուհետև 6:5 հաշվով առավելության հասել Տրինիդադ և Տոբագոն ներկայացնող Ջոշուա Ջեյմսի նկատմամբ և դուրս եկել կիսաեզրափակիչ, որտեղ պարտվել է Զագիդ Գայդարովին (ՖԻԱՍ)։

Հավելենք, որ սամբոյի աշխարհի առաջնությունը մեկնարկել է Երևանում նոյեմբերի 10-ին և կավարտվի նոյեմբերի 12-ին: