Իրաքյան խմբավորումները հայտարարել են ամերիկյան բազայի վրա հարձակման մասին

Իրաքյան զինված խմբավորումները հարձակվել են Սիրիայի հարավ-արևելքում գտնվող ալ-Քարյա ալ-Խադրա շրջանում գտնվող ամերիկյան բազայի վրա, հայտնում է սիրիական Sham FM ռադիոկայանը՝ վկայակոչելով Իրաքի իսլամական դիմադրության ուժերի հայտարարությունը։

«Իրաքի իսլամական դիմադրության ուժերը հայտարարել են, որ անօդաչու թռչող սարք են օգտագործել Սիրիայի Ալ-Քարյա ալ-Խադրա շրջանում ամերիկյան օկուպացիոն ուժերի բազայի վրա հարվածելու համար: Անօդաչու թռչող սարքն ուղիղ հարվածով խոցել է թիրախը»,- նշում են ռադիոլրագրողները:

Երկուշաբթի գիշերը «Իրաքի դիմադրության ուժերը», որոնց թվում են շիա զինված խմբավորումները, նույնպես հայտարարեցին հանրապետության արևելքում գտնվող ամերիկյան Green Village բազայի վրա հարձակման մասին։

Al Mayadeen հեռուստաալիքի փոխանցմամբ՝ հարձակման են ենթարկվել նաև ԱՄՆ երկու ռազմաբազաները՝ Ալ-Շադդադին և Կոնիկոն, որոնք տեղակայված են Սիրիայի արևելյան և հյուսիս-արևելքում։ Լրագրողների տվյալներով՝ Կոնիկոյի տարածքում թիրախների վրա հարձակումների արդյունքում զինվորականներ են զոհվել։ Հեռուստաալիքի աղբյուրները նշել են, որ հարձակումը պատասխանն էր ԱՄՆ-ի ռմբակոծություններին երկրի արևելյան հատվածում:

ԱՄՆ զինված ուժերը, առանց Դամասկոսի թույլտվության, վերահսկում են տարածքներ Սիրիայի արևելքում և հյուսիս-արևելքում՝ Դեյր էզ Զոր, Ալ-Հասաքա և Ռաքքա նահանգներում, որտեղ գտնվում են նավթի և գազի ամենամեծ հանքավայրերը։ Սիրիացի պաշտոնյաները բազմիցս իրենց տարածքում ամերիկյան զորքերի ներկայությունն անվանել են օկուպացիա և պետական ​​ծովահենություն՝ նավթի բացահայտ գողության նպատակով: