Ֆրանսիան մեղադրել է Ադրբեջանին երկրի հեղինակությանը վնասելու փորձերի մեջ

Արտասահմանյան թվային միջամտությունից պաշտպանության ֆրանսիական ծառայությունը (Viginum) իր զեկույցում Ադրբեջանի հետ կապված սուբյեկտներին մեղադրել է 2024 թվականին Փարիզում կայանալիք Օլիմպիական խաղերի նախաշեմին Ֆրանսիայի հեղինակությանը վնասելու փորձերի համար, հաղորդում է Reuters-ը:

Իր զեկույցում կազմակերպությունը նշել է, որ Ադրբեջանի հետ կապված սուբյեկտները հուլիսի վերջին տեղեկատվական մանիպուլյացիայի արշավ են իրականացրել, որն ուղղված է եղել Ֆրանսիայի հեղինակությանը վնաս հասցնելուն` 2024 թվականին Օլիմպիական խաղերն ընդունելու նրա կարողության տեսանկյունից:

«Viginum-ի հաշվետվության համաձայն… արձանագրվել է X (սոցիալական ցանցում) վիզուալ նյութերի տարածում, որոնք կոչ են անում բոյկոտել ՕԽ-2024-ը»,- ասված է հաղորդագրության մեջ։

Գործակալությունը նշում է, որ Viginum-ի հաշվետվությունը հայտնվել է Փարիզի և Բաքվի միջև լարվածության աճի և հարաբերությունների վատթարացման ֆոնին։