Ուկրաինայի հակամարտության գոտում ինտենսիվ մարտերը շարունակվում են. Սթոլթենբերգ

Ուկրաինայի հակամարտության գոտում իրավիճակը բարդ է, ինտենսիվ մարտերը շարունակվում են, խոստովանել է ՆԱՏՕ-ի գլխավոր քարտուղար Յենս Սթոլթենբերգը դաշինքի պաշտպանության նախարարների հանդիպմանը ժամանելուն պես։ Այս մասին հայտնում է ՏԱՍՍ-ը:

«Ես մտադիր եմ բարձրացնել Ուկրաինայի թեման: Ինտենսիվ մարտերը շարունակվում են, մարտի դաշտում իրավիճակը մնում է բարդ, և, հետևաբար, մենք պետք է շարունակենք մեր ինտենսիվ աջակցությունն Ուկրաինային», – ասել է Սթոլթենբերգը: