«Wildberries»-ը ստիպված կլինի փոփոխություններ կատարել
Նմանատիպ
ՌԴ գլխավոր դատախազության կատարած ստուգումներից հետո «Wildberries» ընկերությունը ստիպված կլինի շուրջ 20 դրույթ փոխել։ Տեղեկությունը հայտնում է գերատեսչության մամուլի ծառայությունը։
Ըստ հաղորդագրության` փոփոխություններից մեկի համաձայն` գնորդն այլևս պարտավոր չէ ապրանքի որակը ստուգել ստանալու պահին։ Ապրանքի վերադարձի օր կսահմանվի դրանից հրաժարվելու պահը։ Այսինքն՝ գնորդը կարող է ապրանքը վերցնելուց հետո ստուգել դրա որակը և վերադարձնել, եթե այն սարքին չէ կամ թերություն ունի։
Բացի այդ, գնորդն այսուհետ կարող է հրաժարվել ցանկացած տեսակի գնումից, այդ թվում` տեխնիկայից։
«Ապրանքի առաքման ժամկետը կարող է երկարաձգվել միայն գնորդի հետ համաձայնեցման դեպքում։ Իսկ ապրանքի փոխարինման պահանջի քննարկման ժամկետը կրճատվել է»,– ասված է հաղորդագրությունում։
Ըստ նոր կանոնների` գնորդը նաև կկարողանա անձնական հաշվի միջոցով չեղարկել իր պատվերը:
Բացի այդ, պատշաճ որակի ապրանքը վերադարձնելու դեպքում «Wildberries»-ի ծախսերի փոխհատուցումը կպահպանվի միայն ապրանքի հետգնման ցածր մասնաբաժնի, առաքման զգալի հեռավորության և ապրանքի առանձնահատկությունների դեպքում (եթե այն մեծ է, փխրուն և այլն):
Հետևեք մեզ նաև Telegram-ում