Իսրայելի բանակը հայտարարել է, որ գրավել է Գազայի նավահանգիստը
16/11/2023 17:11
Նմանատիպ
Իսրայելի պաշտպանության բանակը (ՑԱԽԱԼ) հայտարարել է Գազայի նավահանգիստը օպերատիվ հսկողության տակ վերցնելու մասին։ Նավահանգիստը վերահսկվում և օգտագործվում էր պաղեստինյան ՀԱՄԱՍ շարժման կողմից որպես վարժական բազա: Այս մասին հայտնում է ՌԻԱ Նովոստին` հղում անելով բանակի հայտարարությանը։
«Վերջին մի քանի օրվա համատեղ գործողության ընթացքում 188-րդ զրահատանկային բրիգադի և 13-րդ նավատորմի զինծառայողները օպերատիվ վերահսկողություն են հաստատել Գազայի նավահանգստի նկատմամբ, որը վերահսկվում էր… ՀԱՄԱՍ-ի կողմից,- ասվում է հաղորդագրության մեջ։ Նշվում է, որ նավահանգիստն օգտագործվում էր որպես ՀԱՄԱՍ-ի ուսումնական բազա:
Իսրայելի պաշտպանության բանակի տեղեկատվության համաձայն` ոչնչացվել է նաև տասը գրոհային և տասը թունելի անցք։
Հետևեք մեզ նաև Telegram-ում